Манас шаарында сел суулары тазаланууда
- 3 недели мурун
- Видео
Кечээ, 22-майда, болжол менен саат 19:00 чамасында жааган нөшөрлүү жамгырдын кесепетинен Манас шаарындагы Барпы, Сейил жана Токтогул көчөлөрүндө жайгашкан турак үйлөрдүн короолорун сел суулары каптады.
Бул тууралуу Өзгөчө кырдаалдар министрлиги (ӨКМ) билдирди.
ӨКМдин Жалал-Абад облусу боюнча башкармалыгы тарабынан Манас шаардык жана Сузак райондук өзгөчө кырдаалдар бөлүмдөрүнө “Айгай” сигналы жарыяланып, куткаруучулар жана тиешелүү жарандык коргонуу кызматтары окуя болгон жерге тартылган.
Кырсык болгон аймакка: – ӨКМден 73 куткаруучу 8 мотопомпа;
– шаардык жарандык коргонуу кызматтарынан 151 кызматкер;
– 9 техника тартылды.
Жалпы: 292 адам жана 9 техника күчөтүлгөн тартипте иш алып барууда.
Алдын ала маалымат боюнча, 14 турак жайды, 4 социалдык объекти суу каптаган.
Сүрөт: ӨКМ видеосунан
