Өлкөдө курч респиратордук-вирустук инфекция жана сасык тумоого чалдыгуу төмөндөдү
- 3 месяца мурун
Кыргызстанда курч респиратордук-вирустук инфекция (КРВИ) жана сасык тумоого чалдыгуу 11, 7 %га төмөндөдү.
Бул тууралуу Саламаттык сактоо министрлиги билдирди.
8–14-декабрда КРВИ жана сасык тумоонун 37 629 учуру катталды. Мурдагы жумага салыштырмалуу (42 561 учур) оорулардын саны 11,7%га азайганы байкалууда. Ооругандардын жалпы санынын 72,2%ын 14 жашка чейинки балдар түзөт.
15-декабрга карата республика боюнча инкубациялык мезгилге байланыштуу 526 мектеп онлайн окутууга өткөрүлдү.
Ошондой эле 403 мектепке чейинки билим берүү мекемеси инкубациялык мезгилге жабылды.
Иллюстрациялык сүрөт: Интернет булактарынан
Муну бөлүшүү
