Өлкөдө биринчи класска 56 миңден ашык бала электрондук каттоодон өттү
- 3 недели мурун
Өлкө боюнча автоматташтырылган “Мектеп” маалыматтык системасы аркылуу 1-класска 56 миңден ашуун бала катталды.
Бул тууралуу Агартуу министрлиги билдирди.
Министрлик балдарды мектепке электрондук каттоонун биринчи этабы уланып жатканын эскертти.
Бул этапта ата-энесинин же мыйзамдуу өкүлүнүн тиешелүү мектептин микроучастогунда туруктуу каттоосу бар балдар кабыл алынууда.
Катталган балдардын аймактар боюнча бөлүштүрүлүшү:
Бишкек шаары —8959;
Ош облусу —11 898;
Жалал-Абад облусу —10 581;
Чүй облусу —6619;
Баткен облусу —6384;
Ысык-Көл облусу —4699;
Нарын облусу —2699;
Ош шаары —2171;
Талас облусу — 2532.
Быйыл республика боюнча 190 миңден ашуун квота каралган.
Иллюстрациялык сүрөт: Интернет булактарынан
Муну бөлүшүү
