Өлкөдө 4,5 баллга жеткен жер титирөө катталды
- 2 месяца мурун
Сейсмология институтунун маалыматына ылайык, бүгүн, 2-апрелде, саат 05:28де Кыргыз Республикасынын аймагында очогунда күчү 4,5 магнитудасына жеткен жер титирөө катталды.
Жер титирөө Ош облусунун Өзгөн районунун Өзгөн шаарында, Мырза-Арык, Кароол айылдарында — 4,5 балл, Куршаб, Мырза-Аке, Красный-Маяк айылдарында — 4 балл, Кара-Суу, Отуз-Адыр, Курбу-Таш, Салам-Алик айылдарында жана Жалал-Абад облусунун Токтогул районунун Ничке-Сай айылында — 3,5 балл, Ош, Жалал-Абад жана Көк-Жаңгак шаарларында 3 баллга чейин сезилген
Жер титирөөнүн очогу Өзгөн шаарынан 3 чакырым түштүк-батышта, Куршаб айылынан 5 чакырым түндүк-чыгышта, Ош шаарынан 45 чакырым түндүк-чыгышта болгон.
Учурда тактоо иштери жүргүзүлүүдө.
Иллюстрациялык сүрөт: Интернет булактарынан
Муну бөлүшүү
