Кыргызстан Сауд өнүктүрүү фондунан 100 миллион доллар насыя алат
- 11 месяцев мурун
Кыргызстан ипотекалык үйлөрдү куруу үчүн Сауд өнүктүрүү фондунан 100 миллион доллар насыя алат.
Тиешелүү мыйзам долбоорун Жогорку Кеңеш 14-июндагы жыйынында биринчи окууда кабыл алды.
Экономика жана коммерция министринин орун басары Искендер Асылкуловдун маалыматына ылайык, каражат “Менин үйүм 2021-2026” турак жай программасына сарпталат.
“100 миллион доллар насыянын жылдык үстөгү 1,5% болот. Анын 2% консультациялык кызматка кетет. Калганы курулушка багытталат. Насыя жылына эки жолу – 15-майда жана 15-ноябрда төлөнөт. Мөөнөтү — 25 жыл”.
Сауд өнүктүрүү фондунан алынган насыяга Бишкектеги №47 абактын бузулган жерине 5050 батир салынат. Президенттин иш башкармалыгына караштуу “Кыргыз курулуш сервис” мамлекеттик ишканасы батирлерди курууга негизги жалданма компания (подрядчик) болот.
