АКШ жана Украина делегацияларынын жолугушуусу күтүлүүдө

Украинанын президенти Владимир Зеленский Украина жана Америка делегацияларынын жолугушуусу күтүлүп жатканын билдирди.   

I am grateful for all the support, and Ukrainians really appreciate that in a time of such great emotions in global politics, European integrity is preserved and Europe is truly trying to do the right thing. Meanwhile, Ukrainian and American teams have resumed work, and we hope…

— Volodymyr Zelenskyy / Володимир Зеленський (@ZelenskyyUa) March 6, 2025

Fox News басылмасынын журналисти Жеки Хайнрих сүйлөшүүлөр Сауд Аравиясынын Эр-Рияд шаарында шейшемби, 2-мартта, болорун айтты. Журналисттин айтымында, сүйлөшүүлөргө АКШ тараптан мамлекеттик катчы Марко Рубио, президенттин улуттук коопсуздук боюнча кеңешчиси Майк Уолц жана Дональд Трамптын Жакынкы Чыгыш боюнча атайын өкүлү Стив Уиткофф катышмакчы. Украина тараптан сүйлөшүүлөрдө президенттин кеңсесинин башчысы Андрей Ермак катышары күтүлүүдө.

Анын алдында Майк Уолц Вашингтон жана Киев өкүлдөрү согушту токтотуу сүйлөшүүлөрүнүн күнүн, жерин талкуулап жатышканын билдирген.

Украинанын президентин кеңсесинин башчысы Андрей Ермак Уолц менен телефондон сүйлөшкөнүн жана тынчтыкка кадам жасоо, эки  тараптуу мамиленин коопсуздугу, өз ара позициялар боюнча пикир алышканын жана жакын арада жолугушууну сүйлөшкөнүн белгилеген.

28-февралда АКШнын президенти Дональд Трамп менен Украинанын президенти Владимир Зеленский Америкада Ак үйдүн сүйрү залында жолугушту. Бул жолугушууда Украинанын жараталыш ресурстарын пайдалануу тууралуу келишимге кол коюлмак. Бирок жолугушуу учурунда алар кайым айтышып кетип, келишимге кол коюлбай калды

Иллюстрациялык сүрөт: Интернет булактарынан