Кыргызстан БУУнун Коопсуздук кеңешине мүчө болду
- 2 недели мурун
Кыргызстан Бириккен Улуттар Уюмунун (БУУ) Коопсуздук кеңешинин туруктуу эмес мүчөсү болуп шайланды.
Добуш берүү 3-июнда Башкы ассамблеяда өтүп, Кыргызстан Азия-Тынч океан аймагына бөлүнгөн орун үчүн атаандаш болгон Филиппинди артта калтырды.
Добуш берүүнүн төртүнчү айлампасында Кыргызстан 142 добуш менен алдыга чыкты. Кыргызстан Коопсуздук кеңешиндеги эки жылдык мөөнөтүн 2027-жылдын 1-январынан тартып баштайт.
Кыргызстан Коопсуздук кеңешине тарыхында биринчи жолу шайланып жатат. Президент Садыр Жапаров:
«Биз БУУнун жаңы тарыхын жазууга катышабыз. Мекендештерим, куттуктайм!» деп жазды Фейсбук баракчасына.
Сүрөт: Социалдык тармактан
Муну бөлүшүү
