Кыргыз-өзбек чек арасын демаркациялоо боюнча жумушчу топтун келерки жолугушуусу Кыргызстанда өтөт
- 2 года мурун
Кыргызстан-Өзбекстан мамлекеттик чек арасын демаркациялоонун уюштуруу-укуктук маселелерин макулдашуу боюнча жумушчу топтун келерки жолугушуусу Кыргызстанда өтөт.
Бул тууралуу Министрлер кабинетинин басма сөз кызматы билдирди.
Буга чейин, 4-8-июлга чейин Өзбекстандын Анжиян шаарында алдыдагы кыргыз-өзбек мамлекеттик чек арасын демаркациялоонун уюштуруу-укуктук маселелерин макулдашуу боюнча өкмөттүк делегацияларынын жумушчу топторунун кезектеги жолугушуусу өттү.
Тараптар кыргыз-өзбек мамлекеттик чек арасын демаркациялоо процессин жөнгө салуучу ченемдик-укуктук жана техникалык документтердин долбоорлорун даярдашты. Иш-чаранын жыйынтыгында протоколго кол коюлду.
Кийинки жолугушуу Кыргыз Республикасынын аймагында өтөт.
Сүрөт: Министрлер кабинетинин басма сөз кызматы.
