«Кыргыз Туусу» маалымат басма үйү» мекемеси түзүлдү
- 2 месяца мурун
«Кыргыз Туусу» маалымат-басма үйү» мамлекеттик мекемеси түзүлдү. Тиешелүү чечимге Министрлер кабинетинин төрагасы Адылбек Касымалиев кол койду.
Жаңы мекеме «Кыргыз Туусу» басма үйүн, «Слово Кыргызстана» басма үйүн, «Байчечекей» балдар журналынын редакциясын жана «Ала-Тоо» адабий-көркөм журналынын редакциясын бириктирүү жолу менен түзүлдү.
Маалыматта бирдиктүү маалымат-басма үйүн түзүү мамлекеттик медиа системасын модернизациялоонун, алардын натыйжалуулугун жогорулатуунун жана өлкөнүн маалыматтык мейкиндигин чыңдоонун маанилүү кадамы катары каралып жатканы белгиленди.
Токтом менен «Кыргыз Туусу» маалымат-басма үйү» мамлекеттик мекемеси жөнүндө жобо, штаттык сандын чеги, эселенген коэффициенттер жана кызматкерлерге коюлуучу квалификациялык талаптар бекитилди.
Жаңы мекеменин түзүмүнө «Кыргыз Туусу», «Слово Кыргызстана» гезиттери, «Байчечекей» балдар журналы; «Ала-Тоо» адабий-көркөм журналы кирет.
Иллюстрациялык сүрөт: Интернет булактарынан
