Кыргыз-казак айтышы: Жеңишбек Жумакадыр жана Айтпай Жумагулов кош байге алышты
- 2 года мурун
Кыргыз-казак айтышында баш байге Жеңишбек Жумакадыр жана казак акыны Айтпай Жумагуловго ыйгарылды.
Бул тууралуу маданият, маалымат, спорт жана жаштар саясаты министирлигинин басма сөз кызматы билдирди.
31-августта Бишкекте Кыргызстандын эгемендүүлүгүнүн 31 жылдыгына жана төкмө акын Замирбек Үсенбаевдин 70 жылдыгына карата эл аралык кыргыз-казак айтышы болуп өттү.
Баш байгеге ээ болгон эки төкмө акынга 350 миң сом өлчөмүндө кош байге тапшырылды.
Маалыматка ылайык, 1-орунду кыргыз акыны Баян Акматов жана казак акыны Данияр Алдаберген алып, 200 миң сом кош байгеге ээ болду.
Ал эми 2-орунду кыргыз акыны Мамбеттокто Мамбеторозо менен казак акыны Аспанбек Шугатаев ээлеп, 125 миң сом кош байгеге татыды.
Кыргыз акыны Асылбек Маратов жана казак акыны Алтынбек Ибрагимов 3-орунга татып, 100 миң сом кош байгенин ээси болушту.
Айтышка катышкан башка акындарга кызыктыруучу сыйлыктар тапшырылган.
Сүрөт: Министрликтин басма сөз кызматы.
