Куткаруучулар кудукка түшүп кеткен 65 жаштагы жаранды куткарды
- 1 неделя мурун
Кечээ, 6-апрель күнү саат 16:44тө Баткен шаарынын “8-Март” көчөсүндөгү үйлөрдүн биринде 65 жаштагы тургун өз короосундагы суу кудугуна түшүп кеткен.
Бул тууралуу Өзгөчө кырдаалдар министрлиги (ӨКМ) билдирди.
Окуя болгон жерге ӨКМдин Үчүнчү өзүнчө издөө-куткаруу отрядынын куткаруучулары тартылган.
Куткаруучулардын ыкчам аракетинин натыйжасында саат 16:49да аталган жаран кудуктан чыгарылып, тез жардам кызматкерлерине өткөрүлүп берилди.
Сүрөт: ӨКМ
Муну бөлүшүү
