Курал-жарак жана ок-дарылар сакталган жай табылды
- 4 недели мурун
Улуттук коопсуздук мамлекеттик комитетинин (УКМК) басма сөз кызматынын билдирүүсү боюнча, Чүй облусунун Жайыл районунун Кара-Балта шаарына жакын жерден ок атуучу куралдардын жана ок-дарылардын сакталган жайы аныкталды.
Анда белгисиз маркадагы арааланган жылмакай эки мылтык, болжолдуу ТОЗ-8 маркасындагы мылтык, белгисиз модификациядагы 4 тапанча, 7, 62х54 – калибрдеги 39 патрон (анын ичинде трассердик жана броне – тешүүчү октор), 16-калибрдеги 15 патрон, 9 мм. калибрдеги травматикалык 5 ок, 18х45 калибрдеги 4 ок, эки бычак жана 2 DVD– дисктер табылган.
УКМК органдары тарабынан уюшкан кылмыштуу топтордун, диний экстремисттик жана эл аралык террористтик уюмдардын ишмердүүлүгүнө тиешеси бар адамдарды аныктоо жана кармоо боюнча тергөө-ыкчам иш-чаралары улантылып жатканын эскертти. Ошондой эле ок атуучу куралдарды жана ок-дарыларды мыйзамсыз жүгүртүү үчүн кылмыш жоопкерчилиги каралганын да кошумчалады.
Сүрөт: УКМК басма сөз кызматы
