Курал-жарак жана ок-дары бекитилген жер табылды
- 2 года мурун
Улуттук коопсуздук боюнча мамлекеттик комитети (УКМК) Нарын облустук ИИМдин жана УКМКнын чек ара кызматынын аскер кызматкерлери менен бирге Кочкор районуна караштуу Семиз-Бел айылындагы Орто-Токой суу сактагычынын жанынан курал-жарак жана ок-дарылар сакталган жайды тапты.
Бул тууралуу УКМКнын басма сөз кызматы билдирди.
Аталган жайда кырдуу жылмакай 2 курал, жылмакай аңчылык куралы, майда калибрлүү мылтык, “Сайга-410” карабини, ар кандай калибрдеги 54 ок болгон.
Андагы курал-жарактар менен ок-дарылардын сериялык номерлери, анын ичинде гильзалардагы маркировка маалыматтары өчүрүлгөн.
Учурда аталган курал-жарактарды сактоочу жайды уюштурган адамдарды аныктоо максатында тиешелүү ыкчам-тергөө иш-чаралар жүргүзүлүүдө.
Муну бөлүшүү
