«Креативдүү индустрия паркы жөнүндө» мыйзамга кол коюлду

Президент Садыр Жапаров «Креативдүү индустриялар паркы жөнүндө» мыйзамга кол койду.

Бул тууралуу Президенттин басма сөз кызматы билдирди.

Мыйзам Жогорку Кеңеш тарабынан 2022-жылдын 30-июнунда кабыл алынган.

«Креативдүү индустриялар паркы жөнүндө» мыйзамдын максаты — креативдүү иш менен алектенген ишкерлердин ишинин өзгөчө режиминин иштеши үчүн укуктук негиздерди түзүү.

Креативдүү экономика акыркы жылдары дүйнөлүк экономиканын динамикалуу өнүгүп келе жаткан тармактарынын бири болуп саналат.

Креативдүү индустриалдык парктын түзүлүшү бардык чөйрөлөрдө алардын экономикалык көрсөткүчтөрүнүн, жумуш орундарынын санынын, жогорку кирешелүү продукциянын экспортунун жана салык төлөмдөрүнүн динамикалык өсүшүн гана эмес, ошондой эле Кыргызстан креативдүү бизнес ачуу, карьералык өсүү жана инвестициялоо үчүн өлкө катары эл аралык жагымдуулугун жогорулатууну билдирет.

Белгилей кетсек, Кыргызстандын креативдүү өнөр жай ассоциациясынын маалыматы боюнча, Кыргыз Республикасы мындай мыйзамды кабыл алган дүйнөдө биринчи өлкө.

Сүрөт: Интернет булактарынан.