Коррупция фактысы боюнча райондук аскер комиссариатынын  башчысы кармалды

Улуттук коопсуздук боюнча мамлекеттик комитети (УКМК) тарабынан коррупцияга шектелип, райондук аскер комиссариатынын башчысы кармалды.

Бул тууралуу УКМК басма сөз кызматы билдирди.   

Маалыматка караганда, райондук аскер комиссариаттарынын биринин башчысы 9-сентябрда кылмыш-жаза кодексинин 336-беренеси (Коррупция) боюнча аскердик билеттерди берүүдө системалуу мыйзамсыз иш-аракеттерди уюштургандыгы үчүн кармалды.

Кармалган кызматкер УКМКнын тергөө абагынын убактылуу кармоо жайына камалды.

Учурда тергөө иш-чаралары жүргүзүлүүдө.