ӨКМ: «Сосновка» жана «Арал» постуна чектөө кирди
- 1 год мурун
Бүгүн, 20-декабрда саат 11:30дан тартып Жайыл районунун «Сосновка» постунда, ал эми саат 10:40тан тартып Токтогул районунун “Арал” постунда оор жүк ташуучу унаалардын бардык түрүнө убактылуу чектөө киргизилди.
Бул тууралуу Өзгөчө кырдаалдар министрлиги (ӨКМ) билдирди.
Маалыматка ылайык, чектөө Бишкек – Ош унаа жолунда кар жаап, жол тайгак болуп жаткандыгына байланыштуу кырсыктардын алдын алуу, жарандардын кырсыкка кабылуусуна жол бербөө жана жол тыгындарын болтурбоо максатында кирген.
Кошумча маалыматтар берилери айтылды.
Сүрөт: ӨКМнын басма сөз кызматы
Муну бөлүшүү
