Кербен шаарынын мэриясы мамлекетке 4 млн сомго жакын зыян келтирген
- 3 года мурун
Жалал-Абад облусунун Аксы райондук прокуратурасы тарабынан Кербен шаардык мэриясынын жооптуу кызматкерлери мамлекетке жалпы 3 892 621 сомдук зыян келтиргендиги аныкталды.
Бул тууралуу башкы прокуратуранын басма сөз кызматы билдирди.
Кербен шаардык мэриясынын кызмат адамдары тарабынан 2015-жылдан 2022-жылдын 1-февралына чейин Кербен шаардык мэриясынын кызматкерлери үчүн негизги белгиленген айлык маянага кошумча үстөк эмгек акысы мыйзамсыз бекитилип, анын жыйынтыгы менен мамлекетке жалпысынан 3 892 621 сом зыян келтирилген.
Бул факты боюнча кылмыш-жаза кодексинин 337-беренеси (“Кызмат абалынан кыянат пайдалануу”) менен кылмыш иши козголуп, учурда тергөө амалдары жүргүзүлүүдө.
Иллюстрациялык сүрөт: Интернет булактарынан.
Муну бөлүшүү
