Кара-Кулжа – Сары-Булак жолунда жер көчкү түштү
- 2 месяца мурун
- Видео
Бүгүн, 8-декабрда, Ош облусунун жер көчкү түшкөн Кара-Кулжа – Сары-Булак ички чарбалык унаа жолу тазаланууда.
Бул тууралуу өзгөчө кырдаалдар министрлиги (ӨКМ) билдирди.
Маалыматка караганда, кечээ, 7-декабрда, саат 17:00 чамасында Ош облусунун Кара-Кулжа районунун Сары-Булак айыл аймагынын Кара-Кулжа-Сары-Булак ички чарбалык унаа жолунун 5-чакырымында (Көк-Жар тилкеси) жалпы көлөмү болжол менен 12000м³ жер көчкү түшүп, жол эки тараптуу жабылган.
Жабыркагандар жок. Учурда унаалар Шаркыратма айылы аркылуу өтчү айланма жол менен жүрүүдө. Жеринде ИИМ кызматкерлери тарабынан пост уюштурулган.
Бул аймакта 2022-жылдын 14-июнунда жер көчкү кооптулугу жогору болгондуктан ӨКМдин мониторинг жүргүзүү жана божомолдоо департаментинин корутундусу чыккан.
Бүгүн, 8-декабрда №26 ЖТИ тарабынан техника тартылып, жолду тазалоо иштери жүргүзүлөт. Кошумча маалымат берилет.
Иллюстрациялык сүрөт: Интернет булактарынан
