Көк-Жаңгак шаарынын тургуну алдамчылыкка шектелүүдө
- 4 недели мурун
Жалал-Абад шаарында ипотекалык турак жай берүүгө байланыштуу алдамчылыкка шектелип, Жалал-Абад облусунун Сузак районунун Көк-Жаңгак шаарынын тургуну Б.А.Э. кармалды.
Бул тууралуу Улуттук коопсуздук мамлекеттик комитетинин (УКМК) басма сөз кызматы билдирди.
«Кармалган жаран өзүн УКМК төрагасы Камчыбек Ташиевдин ишенимдүү адамы катары көрсөтүп, Жалал-Абад шаарында курулуп жаткан үйлөрдөн батирлерди алуу үчүн мамлекеттик ипотекалык компаниянын турак жай программасынын катышуучуларынын тизмесине алдыңкы кезекке киргизүүнүн жөнөкөйлөштүрүлгөн жол-жоболорун убада кылып, алдоо жолу менен жарандардын акча каражаттарын алгандыгы аныкталган. Учурда аталган Б.А.Э.нин ушул сыяктуу фактыларга тиешеси бар экендигин аныктоо боюнча тергөө иштери жүрүп жатат» деп айтылат маалыматта.
Сүрөттө: Шектүү. УКМК басма сөз кызматы
