Көк-Мойнокто жол жээгинде кайрадан өрт чыкты
- 1 год мурун
Бүгүн, 9-майда, Ысык-Көлдүн Тоң районуна караштуу Бишкек– Нарын – Торугарт жолунун 157-чакырымындагы өрт саат 18:22де толугу менен өчүрүлгөн.
Бул тууралуу өзгөчө кырдаалдар министрлигинин (ӨКМ) басма сөз кызматы кабарлады.
Токой чарба кызматынын кызматкерлери түнкү нөөмөткө калышкан. Буга карабай аталган жолдун Көк-Мойнок-2 айылында куураган чөптөн өрт чыккан.
Ушул эле жолдун 157-чакырымында бүгүн, 9-майда, эртең менен да өрт чыгып, ал өчүрүлгөн.
Ошондой эле 7-майда да Бишкек-Нарын-Торугарт унаа жолунун болжол менен 157-чакырымында ачык аянттагы куураган чөптөн өрт чыккан.
26-апрель күнү Тоң районуна караштуу Көк-Мойнок айылында куураган чөп өрттөнгөн.
Бир ай мурда Балыкчы – Бишкек унаа жолунун 38-чакырымында, Боом капчыгайында өрт чыккан.
Муну бөлүшүү
