Көчмөндөр оюндары: Тогуз коргоол боюнча мелдештер өтүүдө
- 1 неделя мурун
1-сентябрда Ысык-Көл облусундагы «Евразия»пансионатында Дүйнөлүк көчмөндөр оюндарынын алкагында тогуз коргоол боюнча мелдеш башталды.
Бул тууралуу Дене тарбия жана спорт мамлекеттик агенттиги билдирди.
Биринчи күнү мелдешке жалпы 127 спортчу катышты: 67 эркек жана 60 кыз-келин.
Алдыда дагы бир катар оюндар жана чечүүчү этаптар күтүп турат.
2-сентябрь күнкү программа:
09:00-10:40 — Овари
11:00-12:40 — Мангала
14:30-16:30 — Тогуз коргоол
17:00-18:00 — Оюндардын ачылыш аземи
18:00-19:00 — Тогуз коргоол
31-августта «Бишкек Арена» стадионунда Дүйнөлүк VI көчмөндөр оюндарынын ачылыш аземи өттү. Ачылыш аземи дүйнөнүн 106 өлкөсүнүн өкүлдөрүн бириктирген масштабдуу эл аралык иш-чара болду. Ага 2355 спортчу, машыктыруучу жана делегациялардын өкүлдөрү катышты.
Дүйнөлүк көчмөндөр оюндары Кыргызстанда 31-августтан 6-сентябрга чейин өтөт.
Сүрөт: Мелдеш учурунда. Дене тарбия жана спорт агенттиги
