“Хизб ут-Тахрир” диний экстремисттик уюмдун идеологиясынан баш тартты
- 1 год мурун
- Видео
Улуттук коопсуздук боюнча мамлекеттик комитетинин (УКМК) тарабынан жүргүзүлгөн диний-экстремисттик жана террористтик уюмдарга каршы аракеттенүү боюнча алдын алуу иш-чаралардын алкагында, көрүлгөн профилактикалык иш-чаралардын жыйынтыгында Сузак районунун тургуну Х.А.С. аттуу жаран радикалдык көз карашынан эл алдында баш тартканын билдирди.
Бул тууралуу УКМК басма сөз кызматы билдирди.
Х.А.С. 2005-жылдан бери “Хизб ут-Тахрир” ДЭУ кылмыштуу ишмердүүлүктөрүнө катышып, экстремисттик активдүү кызматкерлер менен жашыруун байланышта болгон.
Профилактикалык иш-чаранын жүрүшүндө Х.А.С. тандап алган диний багытынын туура эместигин моюнга алып, жарандарды “Хизб ут-Тахрир” диний-экстремисттик уюмунун мүчөлөрүнүн мыйзамсыз чакырыктарына алданбоого чакырды.
Сүрөт: УКМК басма сөз кызматы.
