Генерал-майор Кыязов эл аралык марафондо биринчи орунду ээледи
- 2 года мурун
Милициянын отставкадагы генерал-майору Кемелбек Кыязов Бишкек эл аралык “МБулак Күз Деми – 2022” марафонуна 10 чакырым аралыкка чуркап өзү курактуулар арасында биринчи орунду жеңип алды.
Ал 10 чакырым аралыкты 44 мүнөт 01 секундда багындырып, өзүнүн жеке рекордун койду.
Милициянын ардагери өзү курактуулар арасында 1-орунду ээлеп, алтын медаль жана диплом менен сыйланды.
Бул тууралуу Ички иштер министрлигинин басма сөз кызматы кабарлады.
“МБулак Күз Деми” эл аралык марафону 6 жылдан бери жылына өткөрүлүп келет. Кыргызстандан эле эмес, дүйнөнүн 25 ашуун өлкөсүнөн бир нече миңдеген адамдар чогулат.
Муну бөлүшүү
