Газа тилкесинен дагы эки кыргызстандык эвакуацияланды  

Кыргыз Республикасынын тышкы иштер министрлиги орус жана египет тараптар менен бирге Газа тилкесинен чыгууну каалаган Кыргыз Республикасынын жарандарын эвакуациялады.

Бул тууралуу тышкы иштер министрлигинин басма сөз кызматы 5-декабрда маалымдады.  

Маалыматта айтылгандай, Кыргыз Республикасынын чет өлкөлөрдөгү мекемелери Орусия Каир шаарындагы дипломатиялык өкүлчүлүгү менен биргелешкен аракеттеринин натыйжасында 4-декабрда Россия өкмөтү тарабынан уюштурулган чартердик рейс менен Газа тилкесинен Египет аркылуу Каир-Москва каттамы боюнча Кыргыз Республикасынын дагы эки жараны эвакуацияланды.

Кыргыз тарап Газа тилкесинен Кыргыз Республикасынын жарандарын ийгиликтүү эвакуациялоого көрсөткөн жардамы үчүн бардык тараптарга ыраазычылык билдирди.

24-ноябрда Газа тилкесинен Египет аркылуу “Каир-Москва” багыты менен Кыргыз Республикасынын эки жараны эвакуацияланган.

ХАМАС радикал тобу 7-октябрда Израилге кол салгандан кийин жөөт армиясы Газаны бомбалап, бир нече күн мурун операция баштаган.

7-октябрда ХАМАС Израилдин аймагында барымтага 220 кишини алган. Куралдуу жоочулар жөөт шаар-кыштактарына кол салганда 1 200 кишинин өмүрү кыйылган.

Газа тилкесинде жөөт аскерлеринин адегенде абадан, андан кийин жердеги соккуларынан каза тапкандардын саны 13 миңден ашты. Алардын алты миңге чукулу балдар, 3 жарым миңдейи аялдар. ХАМАС көзөмөлдөгөн аймактын бийлиги берген бул сандарды көз карандысыз булактардан бышыктоо мүмкүн эмес.

Сүрөт: КР ТИМ имараты.