Эки алтын куймасын пара катары берүүгө шектүү кармалды
- 2 недели мурун
Улуттук коопсуздук мамлекеттик комитетинин (УКМК) кызматкерине пара катары эки алтын куймасын берүүгө шектүү кармалды.
23-февралда УКМК тарабынан жүргүзүлгөн ыкчам-издөө жана тергөө иш-чараларынын жүрүшүндө, иликтенип жаткан кылмыш ишинин алкагында оң чечим кабыл алуу үчүн УКМК кызматкерине жалпы салмагы 200 грамм болгон 2 алтын куймасын пара катары берүү учурунда 1978-жылдын 2-майында туулган Д.Р.Е. аттуу жаран кармалды.
Бул тууралуу УКМК басма сөз кызматы билдирди.
Д.Р.Е. УКМКнын убактылуу кармоочу жайына киргизилип, тиешелүү тергөө-ыкчам иш-чаралары улантылууда.
Сүрөттөр: УКМК басма сөз кызматы
Муну бөлүшүү
