Диний экстремисттик «Хизб-ут-Тахрир» уюмунун Бишкектеги көмүскө иши токтотулду
- 2 года мурун
- Фоторепортаж
Кыргыз Республикасында тыюу салынган «Хизбут-Тахрир аль-ислами» диний-экстремисттик уюмдун жашыруун ячейкасынын ишмердүүлүгү токтотулду.
Бул тууралуу УКМКнын басма сөз кызматы билдирди.
“Хизб-ут-Тахрир” ячейкасынын кызматкерлери узак убакыт бою тымызын түрдө үгүт иштерин жүргүзүп, ошондой эле Хизб-ут-Тахрирдин катарына жаңы тарапкерлерди тартып келгени аныкталган.
Негизги жетекчилеринин жашаган жерлеринен жана алардын кылмыштуу байланыштары боюнча «Хизбут-Тахрир» тарабынан редакцияланган көп сандагы басылмалар ж.б. алардын «Хизбут-Тахрир» тиешеси бар экендигин көрсөткөн буюм далилдери табылып алынды.
О.Р, Д.А жана З.Ж. аттуу жетекчилери кармалып, УКМК тергөө камак жайынын убактылуу кармоочу жайына киргизилди.
Козголгон кылмыш ишинин алкагында ыкчам-иликтөө иш-чаралары уланып жатканы кабарланды.
Сүрөттөр: УКМК басма сөз кызматы