Депутат Бекешев тиш доктурда чарчап калган үч жашар кыз боюнча маселе көтөрдү

  • 2 месяца мурун

Бүгүн, 28-декабрда, Жогорку Кеңештин жалпы жыйынында депутат Дастан Бекешев тиш доктурда чарчап калган үч жашар кыз боюнча маселе көтөрдү

Бекешеев кыздын атасы жана чоң апасы жолугууга келгенин, аларды укканда жүрөк араң чыдаганын жана ага байланыштуу жеке менчик клиникалардын, дарыгерлердин кесипкөйлүгү боюнча маселени колго алуу керектигин билдирди.

-Жеке менчик клиникаларды, медиктерди, операция кылгандарды өзгөчө текшерип караш керек. Кайра аттестациялоо өткөрүш керек. Сот экспертиза өтө жай өтөт экен, — деди депутат.

Ошондой эле андай операция жасаган врачтар камалыш керек экенин, мамлекеттик кызматкерлердин чет өлкөлөргө дарыланууга шарты бар, жөнөкөй адамдардын андай шарты жок экенин билдирди.     

Бишкекте тишин дарылоо учурунда чарчап калган үч жашар Алия Кубанычбекованын окуясы боюнча Бишкек шаарынын Октябрь райондук ички иштер бөлүмү кылмыш-жаза кодексинин “Медициналык же фармацевттик кызматкер тарабынан кесиптик милдеттерди талаптагыдай эмес аткаруу” беренеси менен кылмыш ишин козгоду.

Мекеменин басма сөз кызматы бардык экспертизалар дайындалганын, тергөөнүн жыйынтыгы менен мыйзамдуу чечим кабыл алынарын билдирди. Маалымат боюнча, милиция кызматкерлерине тапшырма берилип күбөлөр суралууда.

Алия Кубанычбекова 18-декабрда Бишкектеги жеке клиникалардын биринде тишине жасалган алты сааттык операциядан кийин чарчап калганы маалым болгон.

Апасы Айгүл Исакованын айтымында, кыздын тиши ооруп, ириңдеп жаткандыктан, аны дарылатуу үчүн ата-энеси Бишкектеги Dentamax жеке клиникасына кайрылып, дарыгерлер операция керек экенин билдирген. Операция аталган клиникада эмес, Иса Ахунбаев атындагы окуу-илимий дарылоо медициналык борборунун анестезиология жана реанимация бөлүмүнүндө жасалган. Дарыгерлер муну ал жерде жакшы шарт түзүлгөнү менен байланыштырышкан.

Атасы алдын ала дарыгерлер менен сүйлөшүп, кызын 18-декабрда клиникага алып барганын, ага “Севоран” дарысын жыттатып тишин тазалайбыз дешкенин, бирок ага ийне сайышканын, наристе ошол бойдон ойгонбой калганын айткан.

Муну бөлүшүү

Окшош жаңылыктар

Журналисттик иликтөөлөр

Помочь проекту

договором оферты