Чолпон-Атада кыргыз-герман бизнес-форуму өтөт
- 10 месяцев мурун
Эртең, 26-августта Чолпон-Ата шаарында Министрлер кабинетинин төрагасы Адылбек Касымалиевдин катышуусунда кыргыз-герман «Кыргызстандагы Германия экономикасынын күнү» бизнес-форуму жана кыргыз-герман ишкердик кеңешинин IV отуруму өтөт.
Бул тууралуу МинКаб маалымат жарыялады.
Маалыматта айтылгандай, бизнес-форумдун алкагында «Экспорттук потенциал жана өткөөл мезгилдеги логистика: Ортоңку коридордун мүмкүнчүлүктөрү» жана «Кыргыз-герман экономикалык кызматташтыгы үчүн энергетика тармагындагы долбоорлор» темаларында сессиялар пландаштырылган.
Ошондой эле тыгыз ишкердик байланыштарды түзүүгө багытталган жолугушуулары каралган.
Кыргыз-герман ишкердик кеңешинин IV отуруму Кыргызстан менен Германиянын ортосундагы соода-экономикалык жана инвестициялык кызматташтыкты өнүктүрүү маселелерине арналат.
Иллюстрациялык сүрөт: gov.kg
