Чаткал районунда дайынсыз болгон 65 жаштагы аял изделүүдө
- 1 месяц мурун
Жалал-Абад облусунун Чаткал районундагы Каныш-Кыя айылында кечээ, 28-май күнү саат 19:30 чамасында үйүнөн чыгып кетип, дайынсыз болуп жаткан 65 жаштагы аял изделүүдө.
Бул тууралуу өзгөчө кырдаалдар министрлигинин (ӨКМ) басма сөз борбору билдирди.
Каныш-Кыя айылынын Маданият көчөсүнүн тургуну 1960-жылы туулган Д.З. үйүнөн чыгып, ошол бойдон кайтып келбей жатканы тууралуу маалымат түшкөн.
Бүгүн, 29-майда, издөө иштерин жүргүзүүгө ӨКМдин Чаткал райондук бөлүмүнөн 5 куткаруучу, эки дрон менен, ИИМден 14 кызматкер жана жергиликтуу тургундардан 20 , жалпы 39 киши тартылды.
Сүрөт: ӨКМ
Муну бөлүшүү
