Блогер Бакмурат Токтогулов көз жумду
- 3 недели мурун
- Жаңылыктар
Блогер Бакмурат Токтогулов дүйнөдөн өттү. Бул тууралуу маалымат социалдык тармактарга жарык көрдү. Ал эми анын баласы бул кабарды ырастап, атасын жоготуп алганын билдирди.
Бакмурат Токтогулов 1984-жылы 8-январда туулган, 42 жашта болгон. Ал кан басымы жогорулап, жүрөк дартынан каза тапканы айтылууда.
Төрт күн мурун ал Фейсбукка «Адам эки нерседен кеткиси келбейт, бири – өмүрдөн, экинчиси – бийликтен, бирок экөөнөн тең кетебиз бир күнү” деп жазганы акыркы посту болуп калганын замандаштары эске салды.
Бакмурат Токтогулов социалдык тармактарда коомдук-саясий терс көрүнүштөрдү куйкум сөз, сатиралык коллаждар менен сындап келген.
Бакмурат Токтогуловдун жаназасы 20-августта Талас шаарында, Сыдыгалиев, 73 дарегинде саат 16 да өтөрү кабарланды.
Сүрөттө: Бакмурат Токтогулов. Социалдык тармактан
