Битумду мыйзамсыз саткандар колго түштү
- 2 года мурун
Мунай заттарын 60 миң сомго сатып жаткан жеринен транспорт министрлигинин №38 ДЭПинин битумдук чуңкурунун башчысы А.Т.Т. кармалды.
Бул тууралуу улуттук коопсуздук мамлекеттик комитетинин (УКМК) басма сөз кызматы билдирди.
Ал мамлекеттин балансында турган битумду тынымсыз сатып келген.
УКМК 27-июнда транспорт министрлигинин Таш-Көмүр шаарындагы №38 ДЭП, мамлекеттин балансында турган битумду мыйзамсыз саткан кызматкерлерине карата чараларды көрүү өтүнүчү менен Кочкор-Ата шаарынын тургуну, Т.И.Д. аттуу жараны кайрылган. Кайрылуу учурунда А.Т.Т. 1 тонна битумду 60 миң сомго сатам деп Т.И.Д.ге убада кылган.
Азыркы учурда тиешелүү ыкчам-тергөө иш-чаралары жүргүзүлүүдө.
Муну бөлүшүү
