Бишкектин башкы архитектору камалды
- 10 месяцев мурун
Бишкектин башкы архитектору Урмат Карыбаев камакка алынганын 9-октябрда Биринчи Май райондук сотунун басма сөз кызматы билдирди. Мекеменин маалыматына караганда, анын бөгөт чарасы 6-октябрда каралды.
Улуттук коопсуздук боюнча мамлекеттик комитеттин (УКМК) Башкы тергөө башкармалыгынын тергөөчүсүнүн өтүнүчү канааттандырылып, Карыбаев 16-октябрга чейин атайын кызматтын тергөө абагына камалды.
“Бишкекбашкыархитектура” муниципалдык ишканасынын башчысы кылмыш-жаза кодексинин “Кызмат абалынан кыянаттык менен пайдалануу” беренеси боюнча шектелип жатканы кабарланууда.
Урмат Карыбаев бул кызматка былтыр июнь айында дайындалган. Анын кармалышы боюнча жактоочулары комментарий берише элек.
Муну бөлүшүү
