Бир мандаттуу Ленин шайлоо округу: Алдын ала жыйынтык
- 8 месяцев мурун
Борбордук шайлоо комиссиясы Бишкек шаарынын Ленин шайлоо округунда Жогорку Кеңештин депутаттыгына шайлоонун алдын ала жыйынтыгын чыгарды.
Анын жыйынтыгында:
1. Кубанычбек Самаков жалпы добуштардын 26,14% же 5273 добуш алган.
2. Экинчи орунда – Русланбек Тагаев, 18,99% же 3831 добуш алды.
3. Үчүнчү орунда – Аскар уулу Алмаз 13,04 % же 2630 добуш алды.
Ленин бир мандаттуу шайлоо округу боюнча шайлоочулардын тизмесине 127 239 шайлоочу киргизилген. Анын ичинен 20169 шайлоочу же пайыздык ченем менен 15,85% добуш берүүгө катышты.
Белгилей кетсек маалыматтар шайлоонун алдын ала жыйынтыгы болуп эсептелет. Бардык шайлоо участкаларында добуштарды милдеттүү түрдө кол менен эсептөө уланууда.
Мөөнөтүнөн мурда шайлоонун жыйынтыгы добуштарды кол менен эсептөө аяктагандан кийин чыгарылат.
Шайлоого катышуу ниетин билдирип 24 талапкер каттоодон өткөн
Автоматташтырылган эсептөөчү урналардан келген маалыматтар боюнча мөөнөтүнөн мурда өткөн шайлоонун алдын ала жыйынтыктары төмөнкүдөй:
| Талапкерлер алган добуштарынын саны | ||
| Искаков Эртай | 881 | 4,37% |
| Искендеров Жеенбек | 40 | 0,20% |
| (каттодон баш тарткан) | ||
| Ажыбеков Руслан | 286 | 1,42% |
| Кадыралиева Ыргал | 474 | 2,35% |
| Мамаев Сулайман | 38 | 0,19% |
| Шаршембиев Бакыт | 457 | 2,27% |
| Рысалиев Бактыбек | 74 | 0,37% |
| Какчекеев Токтогул | 119 | 0,59% |
| Тагаев Русланбек | 3831 | 18,99% |
| Аттокур уулу Илимбек | 787 | 3,90% |
| Кермалиев Таалайбек | 535 | 2,65% |
| Эсенаманов Мурат | 357 | 1,77% |
| Булекбаев Эркин | 52 | 0,26% |
| Мамытов Токтокүчүк | 641 | 3,18% |
| Ырсалиев Жамалбек | 1754 | 8,70% |
| Аднаева Нургул | 370 | 1,83% |
| Алмаз уулу Аскар | 2630 | 13,04% |
| Капаров Чынгыз | 316 | 1,57% |
| Сооронбаева Нургүл | 105 | 0,52% |
| Исмаилова Карачач | 35 | 0,17% |
| Саралаева Лейла | 211 | 1,05% |
| Субанов Айбек | 127 | 0,63% |
| Бакир уулу Турсунбай | 82 | 0,41% |
| Самаков Кубанычбек | 5273 | 26,14% |
| Баарына каршы | 570 | 2,83% |
Ар бир шайлоо участогу тууралуу Маалыматтык шайлоо системасы аркылуу https://newess.shailoo.gov.kg/ толук маалымат алууга болот.
10-сентябрда Бишкек шаарынын бир мандаттуу Ленин шайлоо округундагы Жогорку Кеңештин депутаттарын кайра шайлоо өттү.
БШКнын саат 20: 00дөгү маалыматы боюнча, аталган округда шайлоочулардын добуш берүүсү 15, 85 пайызды түздү же 20 169 шайлоочу добуш берди. Ал эми шайлоочулардын жалпы саны – 127 239.
