Белгилүү кинорежиссер, Кыргыз эл артисти Геннадий Базаров дүйнөдөн өттү  

Кыргыз эл артисти, белгилүү кинорежиссер, сценарист Геннадий Базаров дүйнөдөн өттү.

Бул тууралуу укук коргоочу Азиза Абдирасулова билдирди  

Залкар кинорежиссер, сценарист Геннадий Базаров кечээ, 5-февралда 81 жаш курагында кайтыш болгон.

Геннадий Базаров 1942-жылы 14-майда Нарын облусунун Ат-Башы айылында туулган.

Анын «Саманчынын жолу», «Буктурма», «Көчө», «Көздүн карегиндей» аттуу фильмдери чоң ийгилик менен коштолгон.

Геннадий Базаров Кыргызстандагы автордук кинонун алгачкы түптөөчүлөрүнүн бири. 80-жылдардын ортосунан тартып «Биринчи», «Приют для совершеннолетних», «Заговор», «Аномалия», «Каракыз», «Метаморфоза», «Исход», «Жаннат», «Нонсенс», «Ноктюрн», «Солёная долина» сыяктуу көркөм тасмаларды жараткан.

90-жылдары режиссёр — «Периште күнү»- «Антракт», «Түндө» кыска метраждуу тасмаларды тартат. «Айтматов» жана «Сказ об искусстве» толук метраждуу даректүү тасмалары көрүүчүлөр арасында кеңири белгилүү болгон.

1994-жылдан тарта Геннадий Базаровдун «Альтернатива» автордук программасы өзгөчө социалдык-көркөм мааниге ээ болгон жана телевизиондук искусствосунун классикасына айланган. Анын «Прикосновение к Личности» (Чыңгыз Айтматов жөнүндө), «Ноктюрн», «Хава Нагила», «Суть», «Стойбище», «Гримаса», «Пауза для размышления» повесттери популярдуу.

1974-жылы кинорежиссерго Кыргыз ССРинин эмгек сиңирген артисти наамына ээ болуп, 1976-жылы «Ардак Белгиси» ордени менен сыйланган, СССРдин кинематографиясынын отличниги. 1991-жылы Кыргыз Республикасынын эл артисти наамына ээ болгон. 1997-жылы президенттин «Алтын калем» сыйлыгынын, 2003-жылы «Каракыз» тасмасы үчүн Эл аралык кинофестивалдын баш байгесин жана «Мосфильм» концернинин байгесин алган. 2006-жылы «Жылдын адамы» наамы менен байгеге жана статуэткага ээ болгон. 2003-жылы III даражадагы Манас ордени менен сыйланган. 2013-жылы Кыргызстандын кинематографиясын өнүктүрүүгө кошкон зор салымы үчүн «Ак Илбирс» улуттук кино сыйлыгынын лауреаты наамы ыйгары

2022-жылдын декабрь айында Геннадий Базаров экинчи даражадагы Манас ордени менен сыйланган.