Бажы кызматынын капитаны пара опузалоо шеги менен кармалды
- 2 месяца мурун
Бажы кызматынын капитаны опузалап пара талап кылууга шектелип кармалды. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы билдирди.
Мекеменин маалыматына караганда, «Кызыл-Кыя – авто жол» көзөмөл-өткөрмө бекетинде Бажы кызматынын айрым өкүлдөрү жеке ишкерлерден опузалап акча талап кылуу боюнча туруктуу коррупциялык схеманы уюштурушкан.
«9-майда «Кызыл-Кыя – авто жол» бекетинде Бажы кызматынын капитаны Ж.М.А. кармалды» деп жазылган УКМКнын билдирүүсүндө.
Мекемеден бул коррупциялык схемага тиешеси бар кызмат адамдарын аныктоо боюнча ыкчам иликтөө иштери уланып жатканын кошумчалашты.
Сүрөт: TASS
Муну бөлүшүү
