Баткен облусунда сел жүрдү
- 2 месяца мурун
20-июнда Баткен облусунун аймагында сел жүрдү. Бул тууралуу Өзгөчө кырдаалдар министрлигинин (ӨКМ) Баткен облустук башкармалыгы билдирди.
Алдын ала маалымат боюнча, 20-июнда саат 15:45тер чамасында тоолорго жааган жамгырдан улам кокту-колоттордон сел түшүп, Ак-Сай айыл аймагынын Көк-Таш айылынын Дахма тилкесинде 19 турак үйдү суу каптады.
Сел жүргөн жерге ӨКМдин Баткен облусу боюнча башкармалыгынан 4 куткаруучу, мотопомпа, Баткен району жана шаары боюнча ӨКБдөн 24, үчүнчү өзүнчө издөө-куткаруу отрядынан 18 куткаруучу, жалпы 70 куткаруучу, 5 мотопомпа, 2 техника тартылды.
Түзүлгөн кырдаалга байланыштуу Ак-Сай айыл аймагынын башчысынын буйругунун негизинде өзгөчө кырдаал режими киргизилди.
Учурда аймакта сел кесепеттерин жоюу иштери дээрлик аяктоодо. Жол каттамдары ачык.
Сүрөттөр: Баткен облустук ИИБ
