Балдарды коргоонун эл аралык күнү. Президенттин куттуктоосу
- 3 недели мурун
Президент Садыр Жапаров 1-июнь – балдарды коргоонун эл аралык күнү менен куттуктады.
-Мамлекет балдардын келечеги үчүн бардык шарттарды түзүүгө өзгөчө көңүл бурууну улантат. Анткени балдардын кубанычы – өлкөнүн кубанычы, алардын жаркын келечеги – мамлекетибиздин бекем келечеги. Кымбаттуу балдарым! Ата Мекенди сүйүү, улууларга урмат-сый, чынчылдык, боорукерлик жана эмгекчилдик – күчтүү мамлекеттин пайдубалын түзөт. Мына ошол күчтүү мамлекеттин келечеги – силерсиңер, деп айтылат куттуктоодо.
-Ар дайым кыялыңар бийик болсун! Жүрөгүңөр мээримге, жүзүңөр күлкүгө толсун! Ар бир кадамыңар ири ийгиликтерге жетелеп, ата-энеңердин, жакындарыңардын жана бүтүндөй өлкөбүздүн сыймыгы болушуңарга тилектешмин. Майрамыңар менен!
Иллюстрациялык сүрөт: Интернет булактарынан
