Бакыт Төрөбаев жакындарына тийиштүү компания жеңилдетилген насыя албаганын билдирди
- 2 года мурун
Министрлер кабинетинин төрагасынын орун басары Бакыт Төрөбаев жакындарына тийиштүү компания жеңилдетилген насыя албаганын билдирди. Бул тууралуу ал КТРКга маек берип жатып айткан.
«Мен саясатка келгенге чейин өндүрүш менен алектенгем. Муну баары билет. Заводдор мага мурас болуп калган эмес. Баарын өзүм куруп, өзүм көтөргөм. Мен компанияларды жашырып башка бирөөлөргө каттаткан эмесмин, өзүмдүн жакындарыма катталган. Алар иштетип жатат. 3 апта мурда ажиотаж болгондо эки завод жардам беришкен. Өзүнүн баасы менен ун, майларды сатышкан. Алар кластер катары тизмеге кирген. Бирок насыяны алган эмес. Айыл чарба министрлигине насыяны албайбыз деп жазган расмий каты бар», — дейт ал.
Муну бөлүшүү
