Алмазбек Атамбаевди №27 абакка которушту
- 2 года мурун
Мурдагы президент Алмазбек Атамбаевди Молдовановкадагы №27 колонига которушту.
Бул тууралуу Алмазбек Атамбаевдин мурдагы жансакчысы Канат Сагымбаев Фейсбук баракчасында билдирди.
Буга чейин Алмазбек Атамбаев №47 колониядан башка жакка которуу өтүнүчүн билдирген.
Бишкек шаарынын Биринчи май райондук сотунда 2020-жылдын октябрь окуялары боюнча соттук териштирүү өтүп жатат. Бүгүн Алмазбек Атамбаевди сотко алып келишкен жок.
Кыргызстанды 2011-2017-жылдары башкарган Атамбаевге «Батукаев иши», Кой-Таш окуялары, Октябрь окуялары боюнча, мындан тышкары кылмыштуу жол менен алынган кирешени адалдаштыруу, Бишкектин Жылуулук электр борборун (ЖЭБ) модернизациялоо, Калыс-Ордо конушундагы мектептин курулушуна бөлүнгөн акчадан уурдоо, паспортторду мыйзамсыз жазып берүү өңдүү айып коюлган.
Кримтөбөл Азиз Батукаевдин 2013-жылы абактан мыйзамсыз бошотулушуна байланыштуу Атамбаев жакында 11 жылга эркинен ажыратылды. Калган иштер боюнча сот уланууда.
Сүрөт: Интернет булактарынан.
