Алмаз Тажыбай уулу: “ЖМКга каршы мыйзамдарды чыгарып жатышат”
- 4 месяца мурун
Саясий талдоочу Алмаз Тажыбай уулу бүгүнкү күндөгү журналисттердин үйүн тинтип, аларды суракка алуу, жапырт баш-аламандыкка чакырык айыбын тагуу боюнча пикирин билдирди.
-Демократияны эмес, авторитаризмди эл колдогон, шайлаган, Конституцияны кабыл алган, ошонун жемишин көрүп жатабыз. Жалпыга маалымдоо каражаттарына каршы мыйзам долбоорун чыгарып жатышат, мындайча айтканда, веб-сайттарды ЖМК катары каттоого алуу аракеттери. Түндүк Кореядай кылып эле, Интернетти алып салса эле, ЖМКнын кереги жок болуп калат, -деди саясат талдоочу Алмаз Тажыбай уулу.
16-январдын таңында «Айт, айт десе” жана “Темиров LIVE” долбоорлорунун, “Арча медиа” медиасынын жана “ПолитКлиника” басылмасынын журналисттеринин үйүндө тинтүү болуп, укук коргоо кызматкерлери аларды суракка алып кетти.
Сүрөттө: Алмаз Тажыбай уулу. Интрнет булактарынан
