Акыйкатчы сот органдарын төрт өспүрүмдү тергөө абагынан кое берүүгө чакырды

Акыйкатчы Жамиля Жаманбаева сот жана прокуратура органдарын улуттук мыйзамдарга ылайык, өспүрүмдөрдүн укуктарын сактоону камсыздоого чакырды.

Бишкек шаарынын Свердлов райондук соту 26-ноябрга чейин 14 жаштан 16 жашка чейинки төрт өспүрүмдү камакта калтырган. Алар кылмыш кодексинин 280-беренесинин 2-пункту, бейбаштыкка ылайык, оор эмес кылмышка шектелип жатышкан.

Ошол эле маалда соттор өспүрүмдөрдүн көрсөтмөлөрүн уккан эмес. Бул жалпы кабыл алынган эл аралык укуктук ченемдердин бузулушу болуп саналат.

Мындан тышкары судья Бишкек шаарынын Свердлов райондук администрациясынын үй-бүлөнү жана балдарды коргоо бөлүмүнүн өкүлдөрүнүн шектелип жаткан өспүрүмдөрдү камактан бошотуп жана ата-энелеринин жоопкерчилигине берүү зарылдыгы жөнүндө жүйөөлөрүн көңүлгө алган эмес.

Жашы жете электер үчүн  өзгөчө учур болуп өтө оор кылмыш жасоого шектелүү, буга чейин кабыл алынган баш коргоо чарасынын шарттарын бузуу, ошондой эле шектүү тарап сотко чейинки өндүрүш органынан жана соттон качып жүргөн жагдайлар эсептелет.

Иллюстрациялык сүрөт: Интернет булактарынан.