“Аэрофлот” Кыргызстанга каттамдарын жандантты
- 2 года мурун
Орусиянын “Аэрофлот” авиакомпаниясы 14-марттан тартып Кыргызстанга каттамдарын жандантты. Бул тууралуу Транспорт жана коммуникациялар министрлигинен билдиришти.
Маалыматка ылайык, бүгүн саат 16:10до Москва (Шереметьево) – Бишкек багыты боюнча каттам “Манас” аэропортуна учуп келет.
“Аэрофлот” 8-марттан баштап эл аралык каттамдарынын баарын убактылуу токтоткон. Орусия 24-февралда Украинада согуш баштагандан кийин бир катар өлкөлөрдүн, эл аралык уюмдардын санкцияларына жана чектөөлөрүнө кабылды.
Ушундан улам билеттин баасы кымбаттап, Орусияда жүргөн журтташтар мекенине келе албай жатканын билдиришкен.
Муну бөлүшүү
