Тогуз-Тородо көчкү басып калгандардын биринин сөөгү табылды
- 3 года мурун
Түндүк-түштүк альтернативдүү автожолунун (Балыкчы — Казарман — Жалал-Абад) 340-чакырымында туннелдин Тогуз-Торо тарабында көчкү басып калган 24 жаштагы Адилет Көккөзовдун сөөгү табылды. Бул тууралуу бүгүн, 26-февралда Өзгөчө кырдаалдар министрлиги билдирди.
Маркумду туугандары менен куткаруу кызматы 14-февралдан бери издеп жатышкан. Куткаруучулар аны өзү айдап жүргөн жүктөгүч техникасынын ичинен табышкан.
Азыркы учурда кар көчкү алдында калган «Чайна Роуд» ишканасынын үч жумушчусу изделип жатат.
Белгилей кетсек, 18-февралда Адилет Көккөзовдун апасы «ПолитКлиника» медиасына кайрылып, ӨКМдан куткаруучулар келбей жатканын айткан.
Муну бөлүшүү
