УКМК: Жаза аткаруу кызматынын кызматкери опузалап пара алууга шектелип кармалды

Юстиция министрлигине караштуу Жаза аткаруу кызматынын кызматкери опузалап пара алууга шектелип кармалды. Бул тууралуу Улуттук коопсуздук боюнча мамлекеттик комитетинин басма сөз кызматы билдирди.

Маалыматка ылайык, 8-февралда УКМК тарабынан Кырмыш-жаза кодексинин 343-беренесинин 1-бөлүгү боюнча (Опузалап пара алуу) катталган сотко чейинки өндүрүштүн алкагында, Жаза аткаруу кызматынын улук кызматкери О.И.К. пара алып жаткан жеринен кармалган.

Теришитирүүнүн жүрүшүндө О.И.К.нин коркутуу жолу менен №47 түзөтүү мекемесинде жазасын өтөп жаткан жарандан акча талап кылганы аныкталган.

«Мындан сырткары шектүү соттолгондун эркине каршы башка түзөтүү мекемесине өткөрүп берем деп коркутуп, 2021-жылдын апрелинен 2022-жылдын 28-январына чейин соттолгондордон акча алып турган, — деп айтылат маалыматта.

О.И.К УКМКнын убактылуу кармоочу жайына киргизилди.