Бишкектеги №62 мектеп карантинге жабылды
- 2 года мурун
Бишкектеги №62 мектеп-гимназиясы окуучулар арасында коронавирус илдети аныкталганына байланыштуу карантинге жабылды. Бул тууралуу ата-энелер «Кабар” агенттигине билдиришкен.
Маалыматка ылайык, аталган билим берүү мекемеси Мамлекеттик санитардык-эпидемиологиялык көзөмөлдөө борборунун нускамасына ылайык 14 күнгө карантинге жабылды.
Ата-энелердин билдиргенине караганда, мектепте балдар арасында коронавирус жуктурган 3 учур аныкталган.
Буга чейин Билим берүү жана илим министрлигинин өкүлү Нурзида Касымова Кыргызстандын мектептеринде бир адамдан COVID-19 табылса, класс аралыктан окууга өтөрүн, эки же андан ашык учур катталса, окуу жай толугу менен 14 күнгө карантинге жабыларын билдирген.
Муну бөлүшүү
