Сузакта массалык уулануу болуп, андан 66 адам жабыркады

  • 4 күн мурун

Жалал-Абад облусунун Сузак районунда тургундар арасында массалык уулануу катталды. Бул тууралуу Саламаттыкты сактоо жана социалдык өнүктүрүү министрлигинин басма сөз кызматы билдирди.

Министрлик билдиргендей, уулануунун кесепетинен жабыркаган алгачкы бейтаптар 11-октябрда райондук жалпы дарыгерлик практика борборуна кайрылышкан.

«Борборго жалпы 66 адам кайрылып, алардын алтоо ооруканага жаткырылды. Ооруканага жаткырылгандардын үчөө жаш балдар. Учурда бейтаптардын абалы канааттандыраарлык», — деп айтылат маалыматта.

Алдын ала маалыматтар боюнча, бейтаптар тойдо тартылган эттен ууланышкан.

«Үлгүлөр алынды, учурда изилдөө жүрүп жатат. Изилдөөнүн жыйынтыгына жараша маалымат берилет», — деп билдиришти ведомстводон.

Муну бөлүшүү

Окшош жаңылыктар

Журналисттик иликтөөлөр