ИИМ аскер кызматкерлеринин айлык маянасы 40 пайызга жогорулайт
- 3 года мурун
Ички иштер министрлигинин аскер кызматкерлеринин айлык маянасы 1-октябрдан тартып 40 пайызга жогорулайт. Тиешелүү токтомго 24-сентябрда Министрлер кабинетинин Төрагасы Улукбек Марипов кол койду.
Бул тууралуу Министрлер кабинетинин басма сөз кызматы билдирди.
«Чечим социалдык кепилдиктерди камсыздоо, ошондой эле аскер кызматкерлерине кошумча стимул берүү максатында кабыл алынды», — деп айтылат маалыматта.
Белгилей кетсек, президент Садыр Жапаров үстүбүздөгү жылдын август айында Ички иштер министрлигинин аскер кызматкерлеринин 80 жылдыгына арналган салтанаттуу иш-чарада 1-октябрдан тарта аталган категориядагы аскер кызматкерлеринин айлык маянасы 40%га жогорулай тургандыгын билдирген.
Сүрөт: Министрлер кабинетинин басма сөз кызматы.
Муну бөлүшүү
