Кабулда Кыргызстандын өкүлдөрү менен «Талибандын» министри жолугушту

Кыргызстандын Коопсуздук кеңешинин төрагасынын орун басары Таалатбек Масадыков жана президенттин тышкы саясат бөлүмүнүн жетекчиси Жээнбек Кулубаев Кабулда Ооганстандын «Талибан» кыймылы (Кыргызстанда тыюу салынган) курган өкмөтүнүн тышкы иштер министринин милдетин аткаруучу Амир Хан Муттаки менен жолугушту.

Бул тууралуу 23-сентябрда талибдердин өкмөтүнүн басма сөз катчысы Забиулла Мужахид «Твиттердеги» баракчасына жазды.

۱/۲ــ نن غرمه مهال د ا.ا.ا د بهرنیو چارو سرپرست وزیر محترم مولوي امیرخان متقي د قرغزستان د جمهور رئیس امنیتي مرستیال طلعت بیګ او د جمهور رئیس د بهرنۍ پالیسۍ د څانګې مشر ژین بیګ سره وکتل
په لیدنه کي متقي صاحب دوی ته ښه راغلاست ووایه او د دوی له مرستو یې مننه وکړه. pic.twitter.com/PkWrFT2ABN

— Zabihullah (..ذبـــــیح الله م ) (@Zabehulah_M33) September» class=»redactor-linkify-object»>https://twitter.com/Zabehulah_M33/status/144098530… 23, 2021

Ал жолугушууда эки тараптуу кызматташуу тууралуу сөз болгонун билдирди.

Кыргызстандын Тышкы иштер министрлиги жана президенттик администрация бул жолугушуу тууралуу комментарий бере элек.

Август айында талибдер ооган өкмөтүнө каршы ыкчам чабуул коюп, Ооганстандын бардык аймактарын басып алган. 15-августта өлкөнүн баш калаасы Кабулду ээлеп алган соң өз бийлигин орнотконун жарыялашкан.

Сүрөт Забиулла Мужахиддин «Твиттердеги» баракчасынан алынды.