Депутаттык мандат үчүн 300 миң доллар алууга шектелген экс-депутат тергөө аяктагыча камакта болот
- 3 года мурун
Бишкек шарынын Биринчи май райондук сотунда Жогорку Кеңештин экс-депутаты Руслан Чойбековдун баш коргоо чарасы каралды. Ал тергөө аяктагыча камакта болот.
Бул тууралуу Улуттук коопсуздук боюнча мамлекеттик комитетинин басма сөз кызматы билдирди.
Мурда маалымдалгандай, УКМК тарабынан 2020-жылы өткөн парламенттик шайлоодо ири суммадагы акчаны алдоо жана мыйзамсыз алуу фактысы кайрадан аныкталды. “Кыргызстан” саясий партиясынын мүчөсү жана парламенттин экс-депутаты Руслан Чойбеков тарабынан депутаттык мандат үчүн 300 000 АКШ доллары өлчөмүндөгү акча каражат алынып, арыз ээсине өзгөчө ири өлчөмдө зыян келтирилген.
2021-жылдын 16-сентябрында жүргүзүлгөн тергөө аракеттеринин жыйынтыгы жана алынган далилдердин натыйжасында, Чойбеков кылмыш-жаза кодексинин 204-беренесинин 3-бөлүгү (Өзгөчө ири өлчөмдө жасалган алдамчылык) боюнча кылмышка шектүү катары кармалган.
Бул иштин алкагында Нарын шаарынын мэри Самарбек Болотбеков кармалды.
