Бишкек мэри Жунушалиев ЖК вице-спикери Болот Ибрагимовго жооп кайтарды

Бишкек шаарынын мэри Айбек Жунушалиев Жогорку Кеңештин (ЖК) төрагасынын орун басары Болот Ибрагимовдун борбор калаадагы жолдордун сапатына байланыштуу сынына жооп берди.

Мэрдин айтымында, Бишкектеги жолдорду муниципалдык кызматкерлер эмес, мамлекеттик сатып алууларга катышкан подряддык компаниялар курат. Бул компаниялардын арасында мурдагы шаар жетекчилигинин тушунда иштегендер да бар.

Болот Ибрагимов төраганын орун басары катары жолдорду текшерүү үчүн комиссия түзүүгө укугу көбүрөөк экенин белгилеп, жолдордун оңдолушун кааласа, бул ишти мэрияга тапшыруусун айтты.

“Айрым жерлерде асфальттын сапаты чындап эле талапка жооп бербей калышы мүмкүн экенин моюнга алабыз. Бирок, биз ошол жоопкерчиликсиз подрядчыларга чара көрүүгө даярбыз” деп билдирди мэр.

Буга чейин Жогорку Кеңештин вице-спикери Болот Ибрагимов борбордогу айрым жаңы салынган жолдо асфальт эрип жатканын айтып чыккан.

Сүрөттө: Болот Ибрагимов. kenesh.kg